Кыргызстандын калкынын саны 5 миллион 655 миңге жетти

 2012-жылдын 1-декабрына карата Кыргызстандын калкынын саны 5 миллион 655 миң адамга жетти. Бул тууралуу Улуттук статистика комитетинин басма сөз кызматы билдирди. 2012-жылдын январь айынан ноябрь айына чейин калктын саны 102,9 миң адамга же 1,9 пайызга өскөн. Бул жылы Баткен, Жалал-Абад, Ош жана Талас облустарында ымыркайлар көп төрөлгөн. Ал эми Нарын облусунда төрөлгөндөрдүн саны орточо, эң аз наристе төрөлгөн облустар Ысык-Көл жана Чүй облусу болгонун билдирет аталган комитет.