Темир Сариев: "Унааларга бажы төлөмүн көтөрүүнүн 2 жолу бар болчу, биз бирин тандадык"

Кыргызстанга алынып кирген автоунаалардын бажы алымдарын көтөрүүнүн 2 жолу бар болчу, өкмөт анын бирин тандады. Муну 2-октябрда парламентте экономика министри Темир Сариев билдирип, бул боюнча депутаттарга түшүндүрмө берди. "Биринчиси - өлкөгө алынып келинген унааларга бажы алымын 2019-жылы дароо көтөрүү, экинчиси - 2019-жылга чейин акырындык менен көтөрүп баруу. Биз экинчисин тандадык, Бажы биримдигине кирүү менен биримдикке кирбеген өлкөлөрдөн автоунаа алып келүүдөгү бажы алымы өсөт",- деп билдирди министр.