Асылбек Жээнбеков Сауд Аравиясынын Кыргызстандагы ишенимдүү өкүлү менен жолугушту

Бүгүн, 25-январда төрага Асылбек Жээнбеков Сауд Аравиянын Кыргызстандагы ишенимдүү өкүлү Марай Дербас Аль Барак менен жолугушту. Жолугуушууга вице-спикер Төрөбай Зулпукаров жана “Бүткүл дүйнөлүк жаштар ассамблеясынын” президенти Саид Баюми да катышып, эки тараптуу кызматташтыктын келечеги талкууланды. Саид Баюми элдин аз камсыз болгон катмарына жардам көрсөтүүчү уюм тууралуу айтып, социалдык мекемелерди куруу тууралуу долбоорлор иштелип чыгып жатканын белгиледи. Баюми “Дүйнөлүк жаштар ассамблеясы” коомдук бирикмесинин ишмердүүлүгү жөнүндө учкай маалымат берди. Аталган уюм калктын коргоого муктаж катмарына жардамдарды көрсөтүү, социалдык мекемелердин курулушу боюнча долбоорлордун алкагында Кыргызстанда кайрымдуулук иштери менен алектенип келет.