Футбол боюнча Кыргызстандын биринчилигинде чемпиондук үчүн 4 команда ат салыша баштады

4-октябрда футбол боюнча Кыргызстандын биринчилиги – ТОП-Лиганын экинчи айлампасы башталды. Бул тууралуу Кыргызстандын Футбол Лигасынан кабарлашты.

Жобо боюнча, экинчи айлампада учурда мелдеш жадыбалында алдынкы 4-орунду ээлеп турган командалар өз ара чемпиондук үчүн ат салышмакчы. Анда ар бир команда бири-бири менен экиден оюн өткөрөт. Дагы 6 оюндун жыйынтыгында Кыргызстандын 2014-жылдагы чемпиону аныкталат. Ал эми алдынкы төрттүккө кирбей калган командалар да өз ара экиден оюн өткөрүшүп, 5-орунду талашышат.

4-октябрда экинчи айлампанын башталышында Ошто куршабдык “Алдиер” менен кочкор-аталык “Нефтичи” кез келди. Беттеш үй ээси “Алдиердин” жеңиши менен аяктады. Ал эми Бишкекте өткөн беттеште “Ала-Тоо” клубу “Манасты” ири эсепте утуп алды.

Оюндардын жыйынтыгы:

“Алдиер” (Куршаб) – “Нефтичи” (Кочкор-Ата) – 3:2