“Жыргалаң” шахтасында эки куткаруучунун иске ууланып каза болгону аныкталды

“Жыргалаң” шахтасында эки куткаруучунун 40 метр тереңдикке кулабаганы, иске ууланып каза болгону аныкталды. Бул тууралуу ӨКМнын басма сөз кызматы бүгүн, 7-октябрда билдирди.

Маалыматка караганда, учурда бул боюнча комиссия түзүлгөн. Алар иликтөө жүргүзүп, кырсыктын келип чыгуу себебин аныкташат.

Айта кетсек, буга чейин эки куткаруучунун 40 метр тереңдикке кулап каза тапканын аталган министрликтин басма сөз кызматы билдирген эле.