Милдеттүү медициналык камсыздандыруу фондуна 9 айда 2700дөй кайрылуу түштү

Өкмөттүн алдындагы Милдеттүү медициналык камсыздандыруу фондуна быйылкы жылдын 9 айында 2699 кайрылуу түштү. Мекеменин маалыматына таянсак, 2013-жылы фондго 2484 жаран кайрылган. 

2014-жылы 2109 жаран оозеки түрдө, 40ы кат жүзүндө кайрылышкан. Калгандары коомдук кабылдамалар аркылуу арыз-муңун билдиришкен. 2013-жылы оозеки кайрылгандардын саны 2066, кат менен кайрылгандар 32, коомдук кабылдама аркылуу кайрылгандар 386 болгон. Кайрылуулардын баарына тийиштүү кеп-кеңештер, медициналык жардамдар берилгени айтылды.