Бишкектеги Жылуулук электр борбору көмүрсүз калып, өчүп калуу коркунучунда

Бишкек шаарындагы Жылуулук электр борбору (ТЭЦ) өчүп калуу коркунучунда. Муну парламенттин 8-октябрдагы жыйынында депутат Кожобек Рыспаев айтып чыгып, буга өкмөттү ыкчам чара көрүүгө чакырды. Анын айтымында, ЖЭБде көмүр жок калды. "Биздин комитетке кат жиберишиптир, абалы оор. Бир апта мурун 58 миң тонна көмүр калган, ал түгөнүп, ЖЭБ өчүп калуу коркунучунда. Биз көмүрдү бир булактан алуудан коркуп жатабыз, тендер өткөрүлө элек. Сыртта болсо кар жаап жатат, абалдан кантип чыгабыз?"- деп өкмөт өкүлүнө суроо берди.