Кыргызстанда техникалык жөнгө салуунун негиздери ыраатташтырылат

Бүгүн, 8-октябрда Жогорку Кеңеште өкмөт тарабынан демилгеленген “КРнын техникалык жөнгө салуунун негиздери жөнүндө” мыйзам жоболорун ыраатташтырууга багытталган мыйзам долбоору каралып, 3-окууда колдоого алынды. Депутат Замир Бекбоевдин айтымында, мыйзам долбоору укук-ченемдик актыдагы айрым так эместиктерди жоюу, ошондой эле аны эл аралык стандарттарга шайкеш келтирүү максатында иштелип чыккан.

Экономика министринин орун басары Адылбек Касымалиев мыйзам долбооруна эл аралык талаптарга ылайык келтирүүгө багытталган өзгөртүү жана толуктоо киргизилип жатканын айтты.