Түркия бийлиги митингге чыгышкан Анкара университетинин студенттерине көздөн жаш чыгаруучу зат колдонду

Түркия бийлиги митингге чыгышкан Анкара университетинин студенттерине көздөн жаш чыгаруучу зат колдонду. Чет элдик маалымат булактарына таянсак, ондогон студенттер Кобани шаарын чабуулга алып жаткан "Ислам мамлекетине" каршылык билдирүү урааны менен Анкара университетинин аймагына нааразычылык акциясына чыгышкан. Алар сириялык күрддөргө колдоо көрсөтүшүүдө. Университеттин аймагынан милиция кызматкерлери 25 адамды кармаганы айтылды. Окуяга байланыштуу университетте 10-октябрда болчу сабактар токтотулду.