Өлкөнүн түндүк аймагында үшүк жүрүшү күтүлөт

Өлкөнүн түндүк аймагында бүгүн, 13-октябрда үшүк жүрүшү күтүлөт. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, бүгүн түнкүсүн Талас, Кемин өрөөндөрүндө, Ысык-Көл ойдуңунун чыгыш тарабында 0…-2 градус температура сакталып турушу күтүлүүдө. Мындай үшүктүн жүрүшү жыйналбаган жашылча-жемиштерге, казылып алынган жана жабылбаган картошка, кант кызылчасы үчүн коркунучтуу. Аталган себептерге байланыштуу ири өлчөмдөгү өзгөчө кырдаалдар менен адамдардын өлүмүнө жеткирбөө, материалдык чыгымдарды азайтуу жана өзгөчө кырдаалдарга чара көрүү даярдыгы күчөтүлүүсү зарыл деп эскертет министрлик.