Президент Алмазбек Атамбаев Баткен облусундагы чек ара көйгөйү боюнча кеңешме өткөрдү

Бүгүн, 28-январда президент Алмазбек Атамбаев Баткен облусундагы чек ара көйгөйү боюнча кеңешме өткөрдү. Кеңешмеде Баткен облусундагы чек ара жагдайын турукташтыруу жана жергиликтүү жашоочуларга жардам көрсөтүү,  окуяга байланыштуу берилген тапшырмалардын аткарылышы боюнча мамлекеттик органдардын жетекчилеринин маалыматы угулду. Кеңешменин жүрүшүндө өлкө башчы чек ара запкысын тарткан айылдарга гуманитардык жардам жеткирүүнү улантуу тапшырмасын берди. Ошондой эле чек арага жакын жайгашкан эки өлкөнүн айылдарынын ортосунда түшүндүрүү иштерин жүргүзүп туруу керектигин баса белгиледи президент.