Кыргызстанда 2012-жылы 33 миң адам каза болгон

Кыргызстанда 2012-жылы жарандардын өлүмү боюнча көрсөткүч өткөн жылга салыштырмалуу 1,2 пайызга же 418 адамга көбөйгөн. Мындай маалыматты КРнын Улуттук статистика комитети билдирет. 2012-жылдын жыйынтыгы боюнча, өлкөдө 33 миң 65 адам каза болсо, 2011-жылы бул көрсөткүч 32 миң 647 адам болгон. Каза болгондордун көпчүлүгү, тактап айтканда, 17 миң 21 адам кан айлануу системинин начарлашынан каза тапкан. Ал эми өткөн жылы боюнда бар аялдардын жана төрөттөн каза болгондордун саны 8 адамга кыскарган.