Темир Сариев Швейцарияда дүйнөлүк инвестициялык форумга катышууда

Экономика министри Темир Сариев 13-17-октябрь күндөрү Швейцариянын Женева шаарында өтүп жаткан дүйнөлүк инвестициялык форумга катышууда. Иш-чаранын алкагында министр БУУнун Соода жана өнүктүрүү комиссиясынын башкы катчысы Мухисой Китуйи жана башка өкүлдөр менен жолугушууларды өткөрүп, өлкөдө инвестициялык абалды жакшыртуу үчүн кыргыз өкмөтү жасап жаткан иштерди айтып берди. "Мухисой Китуйи менен болгон жолугушууда соода-инвестиция тармагында кызматташуу боюнча меморандум даярдоону макулдашты",- деп билдирет министрликтин басма сөз кызматы.