Жоомарт Оторбаев Жалал-Абад облусуна учуп кетти

Өкмөт жетекчиси Жоомарт Оторбаев бүгүн, 17-октябрда иш сапары менен Жалал-Абад облусунда болот. Анда премьер-министр "Бишкек-Ош-Баткен" була-оптикалык магистралдык байланыш линиясын ишке берүү аземине катышмакчы. Өкмөттөн билдиришкендей, Оторбаев Арал айылындагы Т.Тешебаев атындагы орто мектептин кышка даярдыгын, Токтогул районунун Жаңы-Жол айылындагы асфальт-бетон заводунун курулушун көрүп чыгат. Мындан тышкары улуу акын Токтогул Сатылгановдун 150 жылдыгына арналган салтанаттуу иш-чарага катышат.