Токтогул ГЭСинин бардык суу коё берүүчү жайларына видеокамера коюлат

Премьер-министр Жоомарт Оторбаев Энергетика жана өнөр жай министрлигине Токтогул ГЭСинин бардык суу коё берүүчү жайларына (водосброс) видеокамера орнотуу жана андагы көрүнүштү күнү-түнү онлайн түрүндө көрсөтүп турууну камсыздоо тапшырмасын берди. Мунун максаты - энергокомпаниялардын ишинин ачыктыгын күчөтүү жана тармакты реформалоо боюнча өкмөттүн жүргүзүп жаткан ишине элдин ишенимин жогорулатуу. Оторбаев Токтогул суу сактагычынан суунун агып чыгышын көзөмөлсүз калтыруу жана сууну сатуу мүмкүн эмес экенин коомчулук көрүшү керектигин айтты. Видеокамера орнотуу иштери 2014-жылдын 10-ноябрына чейин бүтөрүн өкмөттөн билдиришти.