Киргизген голун сальто менен белгилеп жатып жаракат алган индиялык футболчу ооруканада көз жумду

Индиялык Питер Биаксангзуала аттуу футболчу индиялык лигалардын биринде гол киргизип, муну сальто менен белгилөөнү туура көргөн. Артка сальто секирүү учурунда футболчу башы менен жерге түшүп, далысынан жаракат алган. Бул жаракатынан кийин ал ооруканада көз жумду. Футболдо мындай сальто жасоого чек коюлган эмес. Ошентсе да анын өнөктөштөрү жана машыктыруучусу айыгып кетерине ишеним артып жатышкан. Бул тууралуу чет элдик маалымат булактары кабарлайт.