Бишкектин көчөлөрүндө илинген 159 жарнак тактасы кооптуу деп табылган

Архитектура жана курулуш боюнча мамлекеттик агенттиктин алдындагы экспертизанын чечими менен Бишкектеги 159 жарнак тактасы кооптуу деп табылды. Бул тууралуу Бишкек шаарынын вице-мэри Вячеслав Красиенко билдирди. Анын айтымында, шаар тургундарына коркунуч жараткан мындай жарнак такталарды 4 этап менен алып салуу пландалууда. "Манас көчөсүндөгү 30, Чүй проспектисиндеги 18, Байтик баатыр көчөсүндөгү 56 жарнак тактасы алынат"  деди Красиенко.