Ош мамлекеттик университетинин 75 жылдыгына карата волейбол боюнча жогорку окуу жайлардын биринчилиги башталды

Ош мамлекеттик университетинин 75 жылдык мааракесине карата түштүк регионунун жогорку окуу жайларынын арасында волейбол боюнча мелдеш старт алды. Бул тууралуу бүгүн, 21-октябрда окуу жайдын басма сөз кызматы кабарлады.

Маалыматка ылайык, мелдешке Ош технологиялык университетинин, Ош мамлекеттик социалдык университетинин, Ош гуманитардык-педагогикалык институтунун, Ош мамлекеттик юридика институтунун, Жалал-Абад мамлекеттик университетинин, Жалал-Абад экономикалык ишкердик университетинин жана ОшМУнун командалары катышууда. Анда 1-орун ээсине 20 миң сом, 2-орунга 15 миң сом, 3-орунду ээлеген командага 10 сом акчалай сыйлыктар каралган.