Депутат Надира Нарматова: "Кыргызстанда чет элдик жарандардан төрөлгөн жээндерибиз 7-8-класста окуп калышты"

"Бүгүнкү күндө кыргыздардын генофонду бузулуп жатат" дейт депутат Надира Нарматова 29-январда ЖКнын Социалдык саясат боюнча комитетинин жыйынында. Эл өкүлү учурда Кыргызстандын аймагында көптөгөн чет элдик жарандар каттоодон өтпөй эле жашап жаткандыгын баса белгилеп, “Ошто кытайлар, дуңгандар, уйгурлар каттоосуз жөн эле жүрүшөт. Көптөгөн кыргыз кыздары алданып, алар менен баш кошуп алууда. Жашырбай эле коёлу, биздин чет элдик жарандардан төрөлгөн жээндерибиз 7-8-класста окуп калды. Кара-Суу районунда кытайлар ээн-эркин эле Өзбекстан менен Кыргызстанга кирип-чыгып жүрүшөт" деди Нарматова.