Өкмөт электр энергиясынын жаңы тарифтерин коомчулуктун талкуусуна койду

Кыргызстандагы электр жана жылуулук энергиясынын жаңы тарифтери коомчулуктун талкуусуна коюлат. Өкмөттөн билдиришкендей, 25-октябрга чейин өлкөнүн бардык облустарында коомдук талкуулар өтүп, жаңы тарифтер боюнча өкмөттүн сунушуна жергиликтүү тургундар пикир билдиришмекчи. Талкууларга өкмөт өкүлдөрү, аймактын жашоочулары, бейөкмөт уюмдардын өкүлдөрү жана эксперттер катышат. Иш-чаранын максаты энергетика тармагындагы ачыктыкты камсыздоо экени айтылды.  

Айта кетсек, жаңы тариф боюнча, электр энергиясын 700 киловатт-саатка чейин колдонгондор 70 тыйындан, 700 киловатт-сааттан ашыкча пайдалангандар 1 сом 20 тыйындан төлөөгө өтөт. Абоненттер мурункудай бир фазалуу жана 3 фазалуу деп бөлүнбөйт.