Бишкекте өрт кырсыгы катталып, 42 жаштагы жаран каза тапты

Бишкекте үй өрттөнүп, анын кесепетинен бир адам каза тапты. Бул тууралуу бүгүн, 28-октябрда ӨКМнын басма сөз кызматынан билдиришти.

Маалым болгондой, аянты 140 чарчы метрди түзгөн жыгач устундуу, шифер жабылган турак жайдын жана курулуш чарбасынын чатырлары күйүп кеткен.

Өрт болгон жерден 42 жаштагы А.Н.Гришин аттуу жарандын күйгөн жансыз денеси табылган. Ал “Тез жардамдын” кызматкерлерине өткөрүлүп, шаардык өлүкканага жеткирилди. Учурда өрттүн чыккан себеби такталууда.