Энергетика жана өнөр жай министри Кубанычбек Турдубаев жамаатка тааныштырылды

Жаңы дайындалган энергетика жана өнөр жай министри Кубанычбек Турдубаев бүгүн, 28-октябрда жамаатка тааныштырылды. Аны министрликтин борбордук аппаратынын кызматкерлерине вице-премьер-министр Валерий Диль тааныштырып, Турдубаев министрлик кызматка оор кырдаалда дайындалганын белгиледи. Турдубаев ишеним көрсөткөнү үчүн өлкө жетекчилигине ыраазычылык билдирип: "Азыр кырдаал татаал, тез жана чечкиндүү кадамдарды жасоо зарыл. Жалпы баарыбыздын эмгек, республиканын бул кырдаалдан чыгышына жардам берет деп үмүттөнөм. Кесиптештеримдин потенциалына ишенем",- деди министр.