Кыргызстандагы мамлекеттик архивдерде 4 миллиондой документ сакталып турат

Кыргызстандагы мамлекеттик архивдерде 19-кылымдан бүгүнкү күнгө чейинки 4 миллиондон ашык документ сакталып турат. Мындай маалыматты 29-январда ЖКнын Билим, илим, маданият жана спорт боюнча комитетинин жыйынында Мамлекеттик каттоо кызматынын жетекчиси Эрлан Сапарбаев билдирди. Бул документтердин ичинен 3,9 миллион документ кагаз түрүндө, 16 миң кино документтер, 88 миңге жакыны фото документтер, 6 миңден ашыгы фоно документтер болсо, 600 миң видео документтер бар.