Бишкекте “В мире вокального искусства” аттуу кайрымдуулук концерти өтөт

31-январда Бишкекте “В мире вокального искусства” ("Вокалдык искусство дүйнөсүндө") аттуу кайрымдуулук концерти өтөт. Бул концерт Бишкек шаарындагы орто мектептердин окуучулары үчүн уюштурулууда, максаты -классикалык музыка аркылуу мектеп окуучуларынын дүйнөгө болгон көз карашын жакшыртуу жана жаңы таланттарды өстүрүү экендигин айтышты уюштуруучулар. Концертте улуу музыканттар А.Моцарт, Д.Пуччини, А.Даргомыжский, Д.Каччини, К.Молдобасанов, М.Бегалиев жана башкалардын чыгармалары аткарылат. Иш-чара борбор шаардагы Улуттук консерваторияда орун алмакчы.