Бокс боюнча кыз-келиндер арасындагы өлкө чемпиондугунун финалында 3 беттештин экөө нокаут менен аяктады

Бүгүн, 31-октябрда Бишкектеги Кожомкул атындагы Спорт Ордосунда бокс боюнча өлкө биринчилигинин финалы орун алып жатат. Азырынча кыз-келиндер арасында 3 салмак категориясы боюнча жеңүүчүлөр аныкталды. Көпчүлүккө жаңылык болгондой, кыз-келиндер арасындагы 3 финалдык таймаштын экөөндө техникалык нокаут катталды. 

Кыз-келиндер арасындагы таймаштын финалынын жыйынтыгы:

51 килограмм салмакта. Айсалкын Жаныбекова (Бишкек) - Альбина Мамбетова (Чүй облусу) - 0:3

60 килограмм салмакта. Алина Масадык кызы (Бишкек) - Үмүтай Айтиева (Бишкек). Ү.Абдиева 3-раундда техникалык нокаут менен жеңишке жетишти. 

75 килограмм салмакта. Мээрим Мамасали кызы (Ош) - Виктория Бондарева (Бишкек). М.Мамасали кызы 2-раундда жеңишке жетишти.