2014-жылдын 9 ай ичинде республикалык бюджеттен социалдык чөйрөгө 38 миллиард сом бөлүндү

2014-жылдын январь-сентябрь айларында республикалык бюджеттен социалдык чөйрөгө бөлүнгөн каражаттын суммасы 38 миллиард 548 миллион сомду түздү. Чыгымдар өткөн жылдын ушул мезгилине караганда 10 миллиард 468,1 миллион сомго өскөн. Бул тууралуу 4-ноябрда Каржы министрлигинин басма сөз кызматы билдирди.

Республикалык бюджеттен социалдык чөйрөгө бөлүнгөн чыгашалар: социалдык коргоого – өткөн жылга салыштырмалуу 2 миллиард 73 миллион сомго көбөйүү менен 17 миллиард 19,2 миллион сом, билим берүүгө – 12 миллиард 860,9 миллион сом, саламаттыкты сактоого – 7 миллиард 154 миллион сом, эс алууга, маданиятка жана динге – 1 миллиард 513,9 миллион сом.