Орусия "кара тизмедеги" кыргызстандыктарды азайтуу маселесин карайт

Орусиянын Федералдык миграция кызматы "кара тизмедеги" кыргызстандыктардын маселесин кайрадан карап чыгууга даяр. Муну 4-ноябрда Кыргызстандын Тышкы иштер министрлиги билдирди. Кыргызстандын Орусиядагы элчилигинин маалыматы боюнча, "кара тизмеден" Орусиянын аймагы аркылуу өтүп Беларуста окуп жаткан студенттер чыгарылышы күтүлүүдө. Федералдык миграция кызматы кыргызстандыктарды бул маселе боюнча Кыргызстандын тийиштүү органдары аркылуу эртерээк кайрылууну өтүнөт.