Бишкекте күн сайын 2 миңдей жаран биометрикалык маалыматтарын тапшырууда

Бишкекте күн сайын 2 миңдей жаран биометрикалык маалыматтарын тапшырууда. Мамлекеттик каттоо кызматы билдиргендей, 20-октябрдан 5-ноябрга чейин борбор шаарда 22 408 жаран биометрикалык каттоодон өтүштү. Жарандарды кабыл алуучу айрым пункттарга кошумча жабдуулар орнотулуп жатканы айтылды. Ал эми Чүй облусунун эки районунда учурда жарандардын биометрикалык маалыматын топтоочу 10 пункт иштеп жатат, даректери төмөндө: 

Аламүдүн району

1. Мраморное айылы (айыл өкмөтүнүн имараты)

2. Лебединовка айылы (МРО)

3. Ленинское айылы (айыл өкмөтүнүн имараты)

4. Кара-Жыгач айылы (мектеп)

5. Таш-Төбө айылы (айыл өкмөтүнүн имараты)

Сокулук району

6. Сокулук айылы (айыл өкмөтүнүн имараты)

7. Крупская айылы (айыл өкмөтүнүн имараты)

8. Военно-Антоновка айылы (айыл өкмөтүнүн имараты)

9. Новопавловка айылы (айыл өкмөтүнүн имараты)

10. Шопоков шаары (мэриянын имараты)