Алиясбек Алымкулов, министр: "Айла жок, 25 миң сом айлык менен эптеп жашап жатам"

Жогорку Кеңештин Бюджет жана финансы комитетинин 11-ноябрдагы жыйынында министрлер Алиясбек Алымкулов жана Канат Садыков менен депутат Өмүрбек Абдрахмановдун ортосунда түшүнбөстүк жаралды. Жыйында депутат министрлерге: “Кимиңер пара албай, 20-25 миң сом айлык менен жашап жатасыңар, колуңарды көтөргүлөчү?”- деп кайрылды. Эмгек, миграция жана жаштар министри Алиясбек Алымкулов ордунан тура калып: “Айла жок жашап жатабыз, жеке мен айласыздыктан жашап жатам”,- деп жооп кылды. Андан кийин билим берүү жана илим министри Канат Садыков бул айткандары үчүн депутатты сотко бере турганын билдирди. Буга чейин аталган депутат министрлер 20-25 миң сом айлык менен коррупциясыз жашай албай турганын айтып чыккан эле. 

Айта кетсек, жыйында өлкөнүн 2015-жылга республикалык бюджети жана 2016-2017-жылдарга болжолу жөнүндө мыйзам долбоору каралып жатат. Депутаттардын суроолоруна өкмөт башчы Жоомарт Оторбаев, каржы министри Ольга Лаврова жана башка министрлер жооп берүүдө.