Парламент депутаттары Баткендеги чек ара заставаларынын кышка даярдыгын текшеришет

Жогорку Кеңештин Коргоо жана коопсуздук боюнча комитетинин мүчөлөрү 17-18-ноябрь күндөрү Баткендеги чек ара заставаларынын абалы менен таанышат. Бул тууралуу депутат Курмантай Абдиев SUPER.KG порталына билдирди. Маалым болгондой эл өкүлдөрүнүн иш сапарынын максаты - кыргыз-тажик чегине жакын жайгашкан чек ара заставаларынын кышка даярдыгын текшерүү. Андан сырткары жергиликтүү эл менен жолугушуп, алардын көйгөйлөрүн угушмакчы.