Жалал-Абад облусунун башчысынын орун басары болуп Мамасалы Акматов дайындалды

Өкмөттүн Жалал-Абад облусундагы ыйгарым укуктуу өкүлүнүн биринчи орун басары болуп Мамасалы Акматов дайындалды. Тиешелүү буйрукка өкмөт башчы Жоомарт Оторбаев кол койгонун бүгүн, 12-ноябрда өкмөттүн басма сөз кызматы билдирди. Акматовду администрация жамаатына өкүлчүлүктүн аппаратынын жергиликтүү өзүн өзү башкаруу жана уюштуруу-инспектордук иштери бөлүмүнүн башчысынын орун басары Эмилбек Бусурманкулов тааныштырганы айтылды.