2014-жылдын 10 айында негизги капиталдагы инвестиция 71,2 миллиард сомду түздү

2014-жылдын январь-октябрь айларында негизги капиталдагы инвестициянын көлөмү 71,2 миллиард сомду түздү. Бул өткөн жылдын ушул мезгилине салыштырмалуу 15,3 пайызга көп экенин Улуттук статистика комитети билдирди. “Негизги капиталга тышкы булактардын эсебинен инвестиция салуу 30,1 пайызды, ички булактардын эсебинен каржылоо 69,9 пайызды түздү” деп билдирет мекеме. Инвестициянын негизги бөлүгү (жалпы инвестициянын 80 пайыздайы) турак жай курууга жана кен иштетүү, кайра иштетүү жана транспорт тармагына жумшалганы айтылды.