Өлкө аймагында 9 ай аралыгында кургак учукка чалдыккан 4,5 миңге жакын адам катталган

Кыргызстанда акыркы 9 ай аралыгында кургак учукка чалдыккан 4446 адам катталды. Бул тууралуу бүгүн, 12-ноябрда “Кургак учукту жеңебиз” долбоорунун ишке кирүү иш-чарасында КРнын Өкмөтүнүн аппаратынын билим берүү, маданият жана спорт бөлүмүнүн башчысы Абдыманап Муратов билдирди.

Белгилүү болгондой, дүйнө жүзү боюнча аталган илдетке 8 миллиондон ашуун жаран чалдыккан. Ал эми Кыргызстан боюнча 6 миң адам кургак учук менен ооруйт. Улуттук кургак учукка каршы программанын маалыматына ылайык, республикада кургак учук оорусу 100 миң калкка 2011-жылдагы 100,4 учурдан (958) 2013-жылы 102,4 учурга (1160) өскөн.

Аталган долбоор ЮСАИД тарабынан каржыланып, ага 12,7 миллион доллар сарпталган.