Бишкектеги көп кабаттуу турак үйлөрдүн биринин жер төлөсүндө өрт чыгып, 6 жеңил унаа күйүп кетти

Бишкек шаарындагы көп кабаттуу турак үйлөрдүн биринин жер төлөсүндө өрт чыгып, 6 жеңил унаа күйүп кетти. Бул тууралуу ӨКМнын басма сөз кызматы бүгүн, 13-ноябрда билдирди.

Маалыматка караганда, тилсиз жоо бүгүн таңга маал катталган. Анда Совет көчөсүндө жайгашкан он бир кабаттуу турак үйдүн жер төлөсүндө өрт чыккан. Өрттүн кесепетинен 6 жеңил унаа толугу менен күйүп, өрт өчүрүүчүлөр тарабынан 11 адам куткарылып, анын ичинен 2 адам шаардык ооруканага жеткирилген. Андан сырткары 30 адам эвакуацияланган. Учурда өрттүн келип чыгуу себеби такталууда.

Күйгөн унаалар: 

1. Лексус GХ, ээси Э.Р.Жолдубаев;

2. Тойота Лэнд Крузэр, ээси М.Р.Рахимов;

3. Мерседес С 500, ээси Ч.И.Арабаев;

4. Ренж Ровер; 

5. Тойота Камри;

6. Мерседес С 500, ээлери такталууда.