Кыргызстанда аз камсыз болгон үй-бүлөлөрдүн балдарына берилүүчү жөлөк пул 10 пайызга көбөйөт

2013-жылдын аягына чейин Кыргызстандагы аз камсыз болгон үй-бүлөлөрдүн балдарына берилүүчү
жөлөк пул 10 пайызга көбөйөт. Бул тууралуу КРнын Социалдык өнүктүрүү министрлигинин басма сөз кызматы билдирди. 2010-жылга салыштырмалуу жөлөк пулдун учурдагы көлөмү 57 пайызга көп. 2010-жылы аз камсыз болгон үй-бүлөлөрдүн балдарына 240 сомдон берилсе, 2011-жылы бул сумма 370 сом болгон. Ал эми 2012-жылы жөлөк пулдун көлөмү 580 сомду түздү.