Феликс Кулов оппозиция өкүлдөрүнүн революция жасоо аракети ишке ашпай турганын айтты

"Кыргызстанда жазында революция болот" деген айрым оппозиция өкүлдөрүнүн артында эч ким жок, мындан ары алар революция кыла алышпайт". Мындай пикирди депутат Феликс Кулов бүгүн, 13-ноябрда Жогорку Кеңештин жыйынында айтты. Айтымында, революция жасоого чакырык таштаган оппозиция мүчөлөрү - элдин душманы. “Оппозиция мүчөлөрү "жазында революция кылабыз" деп аракет кылып жатышат. Бул туура эмес жол. Мен аларды элдин душманы катары санайм. Алар элдин атынан сүйлөп жатышат. Элдин атынан сүйлөөгө парламент менен президенттин гана укугу бар. Ооба, бизде да акыйкатсыздык болуп жатат, бирок унчукпай отуруп калган жокпуз”,- деди Кулов.