"Ата Мекен" фракциясы "Кумтөрдү" улутташтыруу боюнча чечим кабыл алды

Парламенттеги "Ата Мекен" фракциянын 14-ноябрдагы жыйынында “Кумтөрдү” улутташтыруу маселеси каралды. Жыйында депутаттар тема боюнча көз карандысыз эксперт Ишенбай Кадырбековдун баяндамасын, министрлер менен "Кыргыз алтын" ишкансынын жетекчилеринин пикирин угуп, жыйынтыгында төмөнкүдөй чечим кабыл алды:

1. "Кумтөр Голд Компани" жабык акционердик коомунун мүлкүн улутташтыруу жөнүндө" КРнын мыйзамынын долбоору колдоого алынсын;

2. Өкмөт канадалык ишкана "Кумтөр Голд Компани" жабык акционердик коомунун мүлкүн улутташтыруу боюнча иш-чаралардын планын иштеп чыксын;

3. "Кыргыз алтын" ишканасынын жетекчисинин орун басары Кылычбек Шакиров кызматынан алынсын;

4. "Центерра" "Кумтөрдөн" 9 тонна алтынды мыйзамсыз казып алганы боюнча изилденсин;

5. Фракциянын бул чечими өкмөткө жана парламентке жөнөтүлсүн.