Жоомарт Оторбаев жаштарды саясатка активдүү аралашууга чакырды

Премьер-министр Жоомарт Оторбаев 15-ноябрда "Jashtar Camp" аттуу иш-чарага катышуу учурунда "саясат менен алектенүү керек, айрыкча жаштар" деп билдирип, жаштарды саясатка активдүү аралашууга чакырды. Оторбаев саясат ар бир жарандын жашоосуна байланышкан тармак экенин белгилеп буларды кошумчалады: 

"Статистика көрсөткөндөй, жаштар шайлоолорго аз келишет. Бул деген "бизди жалаң кары-картаңдар, консерваторлор шайлап жатат" дегенди түшүндүрөт. Шайлоолор же башка бир уюмдар аркылуу болуп жаткан процесске көбүрөөк аралашуу керек. Ким өзүнө ишенсе, саясатка аралашуусу кажет. Болбосо бийликке татыктуу эмес адамдар келе берет".