Бишкекте кылмышкердин огунан каза тапкан милиция кызматкери Бакай Сыдыгалиевдин үй-бүлөсүнө өлкө башчы 200 миң сом бөлдү

Бишкекте кылмышкердин огунан каза тапкан милиция кызматкери Бакай Сыдыгалиевдин үй-бүлөсүнө жардам катары Кыргызстандын президентинин фондунан 200 миң сом бөлүндү. Муну бүгүн, 15-ноябрда президенттик аппараттан билдиришти. Эскерте кетсек, 14-ноябрь күнү кечинде Бишкек ШИИББинин Кылмыш иликтөө башкармалыгынын оперкызматкери Бакай Сыдыгалиев кызматтык милдетин аткаруу учурунда ок тийип каза тапкан эле. Түрмөдөн качып чыгып, издөөдө жүргөн Александр Сояпинди кармоо учурунда кылмышкер ок чыгарып, оперкызматкерге эки ок тийгени маалымдалган.