Алмазбек Атамбаевдин атынан Тоголок Молдо атындагы жатак-мектептин окуучуларына кийим-кече тапшырылды

Президент Алмазбек Атамбаевдин атынан бүгүн, 15-ноябрда Бишкектеги Тоголок Молдо атындагы жатак-мектептин окуучуларына спорттук кийим-кече топтому тапшырылды. "Президенттин тапшырмасы менен жатак-мектептин окуучуларына спорттук кийим жана бут кийимден турган 80 топтом (комплект) тапшырылды. Кийимдер атайын ар бир окуучу үчүн ата мекендик компаниялардын биринде даярдалды",- деп билдирди президенттин кеңешчиси Фарид Ниязов белектерди тапшыруу аземинде. Бул кийимдер үчүн президенттик фонддон 500 миң сом бөлүнгөн. 

Айта кетсек, быйыл 3-октябрда президент аталган жатак-мектеп менен таанышып чыккан жана ал мекемеге 1 миллион сом бөлгөн эле.