Асылбек Жээнбеков Япониянын императору Акихито менен жолугушту

Бүгүн, 18-ноябрда Япониядагы иш сапарында Жогорку Кеңештин төрагасы Асылбек Жээнбеков Япониянын императору Акихито менен жолугушту. Асылбек Жээнбеков императорго Кыргызстан менен кызматташтык мамилени өнүктүрүүгө жеке өзү көңүл буруп жатканы үчүн ыраазычылык билдирди. "Кыргызстан үчүн Япония менен кызматташуу - негизги багыттардын бири. Япониянын Кыргызстанды өнүктүрүүгө катышуусун жогору баалайбыз. Берилип жаткан жардамдар биздин өлкөдө демократияны өнүктүрүүгө, социалдык-экономикалык өзгөрүүлөрдү жүргүзүүгө багытталган жана алар көп тармактуу",- деп билдирди спикер. 

Император Акихито менен анын үй-бүлө мүчөлөрүнүн Кыргызстанга иш сапар менен баруусуна, Кыргызстан эли менен жакындан таанышуусу үчүн мүмкүнчүлүк табыла турганын кошумчалады төрага.