Бишкекте “Вокалдык искусство дүйнөсүндө же үндүн бардык боёктору” аттуу концерт өттү

Бүгүн, 31-январда Бишкектеги Улуттук консерваторияда “Вокалдык искусство дүйнөсүндө же үндүн бардык боёктору” аттуу кайрымдуулук концерти өттү. Бул иш-чарага борбор шаардагы 10 орто мектептен 400дөй окуучу катышты. Аларга улуу музыканттар А.Моцарт, Д.Пуччини, А.Даргомыжский, Д.Каччини, К.Молдобасанов, М.Бегалиевдин классикага айланган чыгармаларын Улуттук опера жана балет театрынын артисттери мэриянын алдындагы симфониялык оркестрдин коштоосунда аткарышты. Мындан сырткары балдарга кызыктуу оюндар да уюштурулду.