Президент Кытайдын мамлекеттик коопсуздук министри Гэн Хуэйчанды кабыл алды

Бүгүн, 20-ноябрда Кыргыз Республикасынын Президенти Алмазбек Атамбаев Кытай Эл Республикасынын Мамлекеттик коопсуздук министри Гэн Хуэйчанды кабыл алды. Бул тууралуу президенттин аппаратынын маалыматтык-саясат бөлүмү билдирди.

Маалым болгондой, жолугушуунун жүрүшүндө Кыргызстан менен Кытайдын ортосунда коопсуздукту камсыз кылуу чөйрөсүндө кызматташуу маселелери талкууланды. Терроризмге, экстремизмге жана сепаратизмге каршы күрөштө мындан ары өз ара аракеттенишүүнүн мааниси баса белгиленди.