Кыргызстанда шайлоодо маркировкалоону алып коюу демилгеленди

Бүгүн, 21-ноябрда КРнын Борбордук шайлоо комиссиясынын башчысы Туйгунаалы Абдраимов Кыргызстанда шайлоонун жүрүшүндө маркировкалоону алып коюуну демилгеледи.

Анын айтымында, шайлоо учурунда жарандын мыйзам бузуу менен 2-3 жерге барып добуш берүү мүмкүнчүлүгүн алып коюу үчүн тизмелер биометрикалык маалыматтарынын базасынын негизинде түзүлмөкчү. "Биометрикалык маалыматтарын тапшырбаган жарандар добуш бере албайт деген ойду демилгелеп жатабыз. Мындан улам маркировкалоонун кажети жок болот",- деди Абдраимов.