Агрардык саясат комитети озон катмарын коргоого багытталган мыйзам долбоорун 3-окууда жактырды

Жогорку Кеңештин Агрардык саясат, суу ресурстары, экология жана аймактык өнүгүү комитети 24-ноябрдагы жыйынында "Озон катмарын коргоо жөнүндө" мыйзамга толуктоо киргизүү тууралуу мыйзам долбоорун карады. 

Долбоор атмосферанын озон катмарын коргоо жаатында Кыргызстандын өкмөтүнүн алдындагы Айлана-чөйрөнү коргоо жана токой чарба мамлекеттик агенттигинин компетенциясына байланышкан жоболорду жаңылоо бөлүгүндөгү Кыргызстандын Бажы биримдигине кириши боюнча аткарыла турган иш-чараларга карата иштелип чыккан. 

Озон катмарын коргоо жаатындагы бирдиктүү мамлекеттик саясат жүргүзүүнү камсыз кылуу, озонду бузуучу химиялык заттар камтылган продукцияларды Бажы биримдигине мүчө мамлекеттердин аймагынан Кыргызстанга ташып кирүү үчүн корутундуларды берүү тартибин жана шарттарын белгилөө жагы да каралган. Жыйын соңунда комитет 3-окууда жактырды.