Ош облусунда табигый кырсыктардан улам жолдорго 22 миллион сомго жакын зыян келтирилген

Өкмөттүн Ош облусундагы өкүлчүлүгү бүгүн, 25-ноябрда маалымдагандай, үстүбүздөгү жылдын башынан бери табигый кырсыктардан улам облустун аймагындагы жолдорго 21 миллион 988,9 миң сом өлчөмүндөгү зыян келтирилген. Ош облусунда Өзгөчө кырдаалдар министрлигинин райондордогу өкүлдөрү менен биргеликте жолдордун табигый кырсыктардан бузулган бөлүктөрүн тез арада калыбына келтирип, үзгүлтүксүз жол кыймылын камсыздоо максатында 5 миллион 437,7 миң сомдук жумуштар аткарылган.