Жогорку Кеӊештин депутаттары суу ресурстарын биргелешип башкаруу боюнча эл аралык жыйынга катышууда

Жогорку Кеңештин депутаттары Каныбек Иманалиев, Кожобек Рыспаев, Эркингүл Иманкожоева Швейцариянын Базель шаарында өтүп жаткан суу ресурстарын биргелешип пайдалануу боюнча эл аралык конференцияга катышууда. Муну 25-ноябрда парламенттин маалымат кызматы билдирди. 

Суу ресурстарын биргелешип пайдалануу боюнча эл аралык конференциянын (Integrated Water Resources Management) негизги максаты - сууну пайдалануу жана электр энергиясын натыйжалуу иштеп чыгууга ылайык гидрокурулуштарды курууну технологиялык жактан өнүктүрүү жаатында Швейцариянын тажрыйбасы менен таанышуу жана алмашуу.

Иш-чара Швейцария Конфедерациясынын Эл аралык иштер боюнча федералдык департаменти тарабынан 2014-жылдын 23-27-ноябрь күндөрү өтмөкчү.