Ооган кыргыздарына гуманитардык жардам көрсөткөнү кеткен топ кайтып келди

КРнын Өкмөтүнүн 2014-жылдын 17-ноябрында чыккан №507-б буйругун аткаруу жана Ооганстан Ислам Республикасынын Кичи Памир жана Чоң Памиринде жашаган этникалык кыргыздарга гуманитардык жардам  көрсөтүү максатында курамында 18 адамдан турган топ (курамында Эмгек, миграция жана жаштар министрлиги, Мамлекеттик чек ара кызматы, Өзгөчө кырдаалдар министрлиги, Саламаттык сактоо министрлиги, Бажы кызматынын өкүлдөрү жана журналисттер бар) 2014-жылдын 21-ноябрында Ооганстан Ислам Республикасына товардык-материалдык баалуулуктарды алып жөнөп кеткен. Алар 26-ноябрь күнү саат 03:30да Ош шаарына кайтып келишти.