Чемпиондор Лигасында “Манчестер Ситинин” чабуулчусу Серхио Агуэро “Баварияга” 3 гол киргизип, жеңиш алып келди

25-ноябрдан 26-ноябрга караган түнү футбол боюнча УЕФАнын Чемпиондор Лигасынын 5-тур оюндарынын алкагында “Е”, “F”, “G” жана “Н” тайпаларында экиден оюн болду. УЕФАнын расмий сайтында маалымдалгандай, жалаң күчтүү командалардан туруп, "өлүм тайпасы" аталган “Е” тайпасында ЦСКА, “Рома” жана “Манчестер Сити” командалары бул турда да тайпадан кайсы команданын чыгарын аныктай алышкан жок. Анткени бул үч команданын тең карамагында бештен упай бар. Бул күндүн башкы каармандары Серхио Агуэро (“Манчестер Сити”) менен Лионель Месси (“Барселона”) болду. Алар бул күнү үчтөн гол киргизүү менен командаларына керектүү упайларды алып беришти.

Оюндардын тизмеси:

“Е” тайпасы

ЦСКА (Орусия) – “Рома” (Италия) – 1:1

Голдор: Тотти (42-мүнөттө), Березуцкий (90-мүнөттө)

“Манчестер Сити” (Англия) – “Бавария” (Германия) – 3:2

Голдор: Серхио Агуэро (21-мүнөттө), Хаби Алонсо (40-мүнөттө), Роберт Левандовски (45), Серхио Агуэро (85), Серхио Агуэро (90).

“F” тайпасы

АПОЭЛ (Кипр) – “Барселона” (Испания) - 0:4

Голдор: Луис Суарес (27-мүнөттө), Лионель Месси (38, 58, 87).

ПСЖ (Франция) – “Аякс” (Голландия) – 3:1

Голдор: Эдинсон Кавани (33-мүнөттө), Дэви Классен (67), Златан Ибрагимович (78), Эдинсон Кавани (83).

“G” тайпасы

“Шальке” (Германия) – “Челси” (Англия) – 0:5

Голдор: Жон Терри (2-мүнөттө), Виллиан (29), Ян Киршхофф (44, өз дарбазасына), Дидье Дрогба (76), Рамирес (78).

“Спортинг” (Португалия) – “Марибор” (Словения) – 3:1

Голдор: Карлуш Мане (10-мүнөттө), Луиш Нани (35), Жефферсон (42, өз дарбазасына), Ислам Слимани (65).

“Н” тайпасы

БАТЭ (Беларусь) – “Порту” (Португалия) – 0:3

Голдор: Эктор Эррера (56-мүнөттө), Жексон Мартинес (65), Кристиан Тельо (89).

“Шахтёр” (Украина) – “Атлетик” (Испания) – 0:1

Гол: Микель Сан-Хосе (68-мүнөттө).