Мырзаке – Кара-Кулжа – Алайкуу унаа жолу убактылуу жабылды

25-ноябрда Ош облусунун Кара-Кулжа районунда Мырзаке – Кара-Кулжа – Алайкуу унаа жолунда катуу кар жаагандыгына байланыштуу (кардын калыңдыгы 40 сантиметр), саат 18:30 чамасында унаа жолунун 50-107-чакырымдарында жол убактылуу жабылган. Бул тууралуу бүгүн, 26-ноябрда КРнын ӨКМнын басма сөз кызматы билдирди.

Маалым болгондой, Жол эксплуатациялык мекемеси тарабынан 2 жүктөгүч, 2 бульдозер, 1 Нива жана 6 жумушчу тартылып, учурда жолду кардан тазалоо иштери жүргүзүлүүдө.